Last updated on ديسمبر 27th, 2023 at 03:45 م
وانت بتجهز غرفة المعيشة فى بيتك بتركز على أهم نقطة عينك بتقع عليها Focal point اللى هى شاشة التلفزيون وطبعا عشان تظهرها لازم تعمل لها ديكور جذاب ، واحنا هنا عرضنا لك خلفيات شاشة مودرن تناسب ديكورات كتير فى بيتك.
تعالوا نستعرض مع بعض اشكال الخلفيات
الخلفية الاولى
هنا المصمم استخدم الخشب مع الرخام كرارة الابيض مع وحدة تخزين تحت الشاشة من الحديد الاسود بارفف خشبية لعمل تناغم بينها وبين الخلفية.
وكمان استخدم السيمترية فى التصميم يعنى الجزء اليمين يشبه الجزء الشمال تماما وده فيه ناس كتير بتفضله عشان راحة العين.
الخلفية الثانية
فى الخلفية دى استخدم المصمم الخشب فى كل جزء من الأجزاء اليمين والشمال ورا الرفوف اللى استخدمها مكان تخزين الاكسسوارات واستعمل الاضاءة المخفية كإطار يحددهم.
اما فى المنتصف استخدم الخشب محفور بطريقة جميلة جدا وممكن تقدر تعمله بمكنة CNC بمنتهى البساطة على لوح MDF وتطلع بنفس الشكل بالظبط او حتى اى شكل تانى يعجبك.
الخلفية الثالثة
دى تعتبر من ضمن خلفيات شاشة مودرن جدا لان المصمم استخدم خامة تشبه شكل الرخام ومحفورة بخطوط رأسية وتم عمل تجويف للشاشة فى المنتصف ولو لاحظنا هنلاقى اضاءة مخفية في الجزء اليمين.
هنلاقى كمان خشب تجزيعاته عمودية في الثلث الأيمن بالكامل عشان الاضاءة تظهر عليه اما الثلثين فى الجزء الايسر عبارة عن خامة اسود لامعة ممكن تكون من الأكريليك أو PVC فوق الجزء الخشبى.
الخلفية الرابعة
لو بتختار من ضمن خلفيات شاشة تمشى مع ديكور بيتك لو كان كلاسيك او نيو كلاسيك يبقى الشكل ده مناسب جدا ليك لان هنا تم استخدام الوان بيج رخامى وذهبى وقطع خشبية فى اليمين والشمال.
كمان نلاحظ التابلوهات الموجودة بسمترية منتظمة عشان راحة العين وده بردو من ضمن ملامح الكلاسيك مع الاضاءة المخفية ورا الشاشة نفسها والسقف عشان تحقق الراحة والانسجام وقت الليل.
الخلفية الخامسة
هنا المصمم عمل مكتبة منزلية كخلفية للشاشة ، مجموعة من الرفوف على يمين الشاشة وشمالها والعلب فوق وتحت بانتظام.
مع استخدام اللون الرخامى البنى فى خلفية العلبة السفلية وفى دهان العلبة نفسها عشان يحقق تكامل فى الشكل مع اللون الابيض والخشبى الموجودين فى الجزء العلوى.
الخلفية السادسة
دى تعتبر من ضمن احسن خلفيات شاشة مودرن ممكن تلاقيها فى بيتك لو عملتها هنا المصمم استخدم اللون الابيض مع الخشب ببساطة شديدة لكن بخطوط عبقرية مع الارفف للاكسسوارات والشاشة فى المنتصف.
الخلفية السابعة
هنا الشكل ده يوحى بالفخامة استخدم المصمم اللون الاسود بخامة الخشب مع ارفف جانبية للاكسسوارات والكتب واللون الذهبى فى الجزء العلوى كخلفية داخل الرف نفسه.
خلفية الشاشة نفسها داخل الوحدة عبارة عن رخام يشبه رخام الشيكولاتة عشان يعمل تناسق لونى ولما نزل المصمم على الجزء السفلى فصل باللون الذهبى واستخدم اللون الاسود الخشبى فى العلبة السفلية.
الخلفية الثامنة
فى الخلفية دى استخدم المصمم اللون الابيض بكثرة فى الجزء السفلى مع العلبة الخشبية لتخزين الاكسسوارات مع استخدام التقطيعات الخشبية فى الجزء العلوى بشكل مائل كل جزء مقابل المجاور له وده انتج لنا شكل الزجزاج الرائع الموجود.
الخلفية التاسعة
فى خلفية الشاشة الموجودة هنا استخدم المصمم الخشب فى اغلبية التصميم كخلفية الشاشة نفسها وبعض الارفف الموزعة لتوزيع الاكسسوارات مع عمل اضاءة مخفية وراها لاضفاء جو هادى وشكل انيق جدا مع اللون الرمادى لاظهار الاضاءة.
تم عمل علبة خشبية مجوفة برفين مفتوحين باللون الخشبى المستخدم لاظهار شكلهم وسط اللون الابيض للوحدة وتعتبر الخلفية دى من ضمن خلفيات شاشة مودرن تليق على شكل الصالة عندك لو كانت مودرن وعصرية.
الخلفية العاشرة
هنا استخدم المصمم اللونين الرمادى والخشبى ، وهنلاحظ وجود اللون الخشبي فى العلب نفسها مع وجود اللون الرمادى فى الوش الخارجى للدرفة لعمل تباين فى اللون.
اما الجزء الموجود فيه الشاشة نفسها لونه ابيض وهنلاحظ وجود إضاءة مخفية فى الجزء العلوى من الشاشة نفسها ، وزى ما احنا شايفين ان الاستايل ده يعتبر من ضمن خلفيات الشاشة المودرن.
الخلفية الحادية عشر
هنا بقى عندنا خلفية من خلفيات شاشة الجلسات العربى ، هنلاحظ الدهان بالتعتيق والشكل الرخامى فى الاطار الخارجى للجزء المغلف بالتجليد وداخله اضاءة مخفية محيطة بالشاشة نفسها.
ولو بصينا على الخلفية اللي ورا الشاشة نفسها هنلاحظ بلاطات بارزة وفى الجزء السفلى هنلاقى وحدة تخزين مصنوعة من الاكريليك أو PVC بسطح لامع عشان تكسر حدة الالوان المطفية فى باقى الخلفية.
الخلفية الثانية عشر
الخلفية دى من الخلفيات المميزة ولها شكل فخم جدا وهنلاحظ انتشار اللون الاسود فى الاطار الخارجى كله مع تقطيعات بخطوط عدلة مع خلفية الشاشة نفسها من الخشب مع وجود اضاءة مخفية من الجزء العلوى للشاشة.
هنلاحظ وجود السماعات فى الارضية على جوانب العلبة السفلية المصنوعة من الخشب ومغلفة بطبقة من PVC لاضافة لمعة بشكل جميل وضلع مرتفع لعمل تباين مع لون الخشب.
الخلفية الثالثة عشر
هنا هنلاحظ الاهتمام باللون الابيض فى الحيطة نفسها عشان يكون فيه اختلاف مع ورق الحائط الرمادى ، وعندنا بروز للعلبة الخشبية العلوية مع رفين مجوفين فى الجوانب ووضع الشاشة فى الجزء الشمال.
ولو بصينا على الجزء السفلى هنلاقى علبتين متدرجين لوضع وتخزين الاكسسوارات ملونين باللون الابيض لعمل تباين مع الخشب الموجود ورا الشاشة.
الخلفية الرابعة عشر
تم استخدام الوان هادية جدا فى خلفية الشاشة ، هنلاحظ لون الخشب وراها وتم اختيار المكان اليمين لها مع توزيع الارفف والعلب الخشبية فى الجزء الشمال.
الخلفية الخامسة عشر
لو بتدور على خلفيات شاشة مودرن يبقى لازم تقف عن التصميم ده لانه من اروع الاشكال المودرن استخدم فيه المصمم الرخام الابيض كخلفية الشاشة نفسها بتقطيعات عمودية لعمل اشكال مربعة.
وتم استخدام الجزء على الشمال فى عمل رفوف وعلب لتخزين الاكسسوارات بشكل جميل جدا وعلبة سفلية من نفس لون الخشب وعمل اغطية بيضاء على بعض الاجزاء.
الخلفية السادسة عشر
هنا استخدم المصمم قطعة خشب بارزة مع اضاءة خفية ورارها ، واستخدم بلاطات بارزة كخلفية لقطعة الخشب نفسها واتوزعت السماعات على جوانب العلبة السفلية المدهونة باللون الابيض.
الخلفية السابعة عشر
هنا استخدم المصمم الرخام الابيض فى الجزء الشمال كخلفية للشاشة نفسها وعلى يمينها تم عمل رفوف باضاءة مخفية عشان تعمل شكل جذاب وفى اقصى اليمين استخدم جزء خشبى محفور بخطوط عمودية ، ودى تعتبر من احسن خلفيات الشاشة المودرن.
الخلفية الثامنة عشر
خلفية الشاشة هنا لون رخامى رمادى باضاءة مخفية وراها والجزء الشمال عبارة عن رفوف خشبية باضاءة مخفية والجزء الخلفى واللى مغطى الحيطة بالكامل عبارة عن حفر عمودى بخشب او اى خامة شبهه.
الخلفية التاسعة عشر
الخلفية هنا بسيطة جدا عبارة عن رفوف خشب مع اضاءة مخفية تحت كل رف منهم والاطار البارز المحيط بالشاشة نفسها بارز وله اضاءة مخفية وهنا استخدم المصمم ورق الحائط بشكل كبير جدا وده هنلاحظه فى الحيطة نفسها وخلفية الشاشة.
العلبة السفلية معمولة من الخشب مع استخدام اللون الابيض فى بعض اجزاءها للتكامل مع الرفوف العلوية.
الخلفية العشرين
من الخلفيات المودرن ، هنلاحظ ان المصمم استخدم فيها اللون الرخامى البيج للدفاية الجدارية واللون البيج السادة للشاشة نفسها مع الرفوف الجانبية بمقاسات مختلفة للاكسسوارات ورف خشبى سفلى لتخزين خشب وقود الدفاية.
كمان هنلاحظ الاضاءة العلوية عبارة عن اسبوتات والجزء على الشمال عبارة عن مكتبة رفوف مغطاة زجاج لحفظ الكتب وبعض الاكسسوارات المهمة.
مصادر الصور
الغلاف – الاولى – الثانية – الثالثة – الرابعة – الخامسة – السادسة – السابعة – الثامنة – التاسعة – العاشرة – الحادية عشر – الثانية عشر – الثالثة عشر – الرابعة عشر – الخامسة عشر – السادسة عشر – التاسعة عشر – العشرين
