المطبخ مفتوح ولا مقفول
  • Save

Last updated on أغسطس 22nd, 2023 at 05:17 م

من أكثر الأسئلة المحيرة لبعض الناس خلال الفترة الأخيرة هو كيف تكون طبيعة المطبخ مفتوح ولا مقفول. الاختيار ليس سهلاً و القرار لا يأتى بسرعة ، فيمكنك أن تقوم بجولة فى السوق كله وتتفرج على مطابخ وتشوف الاذواق الموجودة وتتفرج على صور كتير من النت عشان فى النهاية توصل للقرار المناسب.

النهاردة المطبخ المفتوح بقى منتشر اكتر ، لكن هل هو المناسب لديكور شقتك ولا المقفول هو الانسب ليك. احنا هنقولك على مميزات وعيوب كل نوع منهم وانت تختار الانسب ليك.

مفهوم المطبخ المفتوح Open Kitchen

المطبخ المفتوح على صالة المعيشة
  • Save

هو عبارة عن مطبخ تم استحداثه وظهر فى العالم فى اوائل التسعينات، عبارة عن حيطة واحدة او اتنين بالكتير موجود عليها كل التقفيلات والعلب وموجود فيها الاجهزة.
بيطل على منطقة الليفنج او منطقة السفرة وبيعتبر قطعة منهم او امتداد ليهم. مفتوح من اكتر من جانب واحد او اتجاه واحد عشان كده اتسمى مفتوح.

مميزات المطبخ المفتوح

من مميزات هذا النوع انه يعطى مساحة اكبر فى الحركة ويزيد من دخول الاضاءة الطبيعية
  • Save
  • اغلب الناس النهاردة اتجهت للبيوت المودرن ، وبما اننا بنتكلم عن المودرن فالمطبخ المفتوح ده هو واحد من اهم عناصره ، لانه بيخليك تتحرك براحتك اكتر فى الليفنج وتروح المطبخ ومنطقة السفرة لان مفيش حيطان هتقابلك وتمنعك.
  • النوع ده من المطابخ اتعمل عشان يكون منور اكتر بكتير من النوع المقفول ويكون فيه تهوية اكتر.
  • المطبخ مفتوح ولا مقفول لو انت عايز تكون قريب للمطبخ بتاعك مش بتحب المساحات الضيقة والحيطان الكتير، المطبخ المفتوح بيعطيك ايحاء بالمساحة اوسع من الطبيعى، يبقى هو ده اختيارك المثالى.
  • لو حابب تكون فى المطبخ وبتعمل حاجة معينة ومش عايز تفقد التواصل مع اصحابك او اللمة مع النوع ده تقدر تعمل كده، او تتابع برنامجك المفضل فى التلفزيون، وكمان تكون عينك على اولادك، لدرجة ان فيه بعض الدراسات بتقول ان عدد كبير من اصابات الاطفال بتحصل اثناء فترة تواجد الام فى المطبخ.
  • وبما انك اتجهت للنوع ده من المطابخ وعايز توفر مساحة يبقى هتحتاج اجهزة مدمجة Built-in زى البوتجاز والفرن والميكرويف عشان توفر مساحة اكبر.
  • طبعا هو ديكور جامد فى البيت. ان مطبخك يكون ظاهر بالنسبة لاى حد يدخل يشوف الكاونتر ويشوف التقفيلات الموجودة بكل اجهزتها ده فى حد ذاته شكل جمالى كبير لانه اصبح جزء من ديكور الليفنج.
  • بيعطى احساس بالوسع وده لان مفيش فيه حيطان زى ما قلنا ، وده بيناسب الشقق اللى مساحتها صغيرة او الاستوديو لما يكون مثلا شاب مغترب بيشتغل بره بيدور على سكن معقول مش هيقدر على ايجار شقة فده بيكون حل كويس بالنسبة له.
  • ريحة الاكل وهو بيتجهز هتلف البيت كله وده هيخلى الاولاد تسأل امتى الاكل يخلص عشان ناكل وتفتح نفسهم اكتر حسب كلام بعض الدراسات انه ريحة الاكل اثناء تجهيزه بتثير العصارة الهضمية وتساعد على فتح الشهية.

عيوب المطبخ المفتوح

عيوبه انه مكشوف على البيت ولايوجد به اى خصوصية
  • Save

لما نيجى نتكلم اعمل المطبخ مفتوح ولا مقفول يبقى لازم نشوف عيوب النوع ده من المطابخ عشان لو مش مناسبة لينا يبقى ننقل على النوع المقفول

  • بما انه مفتوح فطبيعى جدا انه زى ما كان قطعة ديكور بردو هيبين تفاصيل المطبخ بكل ما فيه يعنى لو عندك حد قاعد فى الليفنج هيكون شايف اللى بيحصل فى مطبخ ولو حاجة مش مترتبة هيبقى المنظر مش لطيف وده لان مفيش خصوصية فى المطبخ المفتوح.
  • من ضمن العيوب ان اصوات كل الاجهزة هتبقى فى الشقة (خلاط – غسالة هدوم او اطباق) كل الاصوات هتخرج بره عشان مفيش ليها حاجز يمنعها سواء كانت حيطة او باب مقفول .

مفهوم المطبخ المقفول Closed Kitchen

المطبخ مفتوح ولا مقفول وهل تفضله مستقل عن البيت له باب يتم اغلاقه وقت الضرورة
  • Save

من اسمه هو مكان مقفول بالظبط زى الاوضة مقفولة بمجموعة حيطان ولها باب عازل المطبخ عن باقى الشقة ومخليه اوضة مستقلة بذاتها.

مميزات المطبخ المقفول

المطبخ المقفول يتميز بقدر كبير من الخصوصية
  • Save
Alex Potemkin/istockphoto
  • لو كنت من النوع اللى بيحب قعدة المطبخ وتعتبره مكانك المفضل وان الطبخ ده عملية محتاجة تركيز ومش عايز حاجة تشتت انتباهك يبقى كده انت وقعت على الاختيار الصح لان هنا فيه حوائط مقفلة المطبخ وفيه باب مقفول عليك ساعتها لما تيجى تختار ما بين المطبخ مفتوح ولا مقفول اكيد هتختار المقفول .
  • كل زحمة المطبخ و الدوشة والحاجات اللى مش مترتبة مش هيبقى فيه داعى للقلق منها لان محدش فى الليفنج ولا باقى البيت هيشوفها لان المطبخ مقفول وبالتالى فيه خصوصية جميلة وخاصة فى مجتمعاتنا الشرقية دى نقطة مهمة جدا لازم تحطها فى اعتبارك وانت بتختار المطبخ مفتوح ولا مقفول .
  • بيعطى شىء من الرسمية للمكان بعكس المطبخ المفتوح اللى تحس فيه بروح خفيفة شوية يعنى تقدر تقول شقة “كاجوال” عشان كده هو منتشر فى المودرن اكتر من الكلاسيك ، فلو كنت حابب الشكل الرسمى فى البيت وبعد دوشة المطبخ عن باقى الشقة يبقى اكيد المطبخ المقفول هو الحل .
  • فى النوع ده من المطابخ الحيطان بتكون اكتر من المفتوح وده ميزة كبيرة جدا انك هتقدر تعمل تقفيلات وعلب وكاونتر رخام لتخزين كل احتياجات المطبخ فيها بعكس المفتوح اللى بتكون الحيطان فيه قليلة ومفيش علب كفاية .

عيوب المطبخ المقفول

المطبخ مفتوح ولا مقفول وهل يمكن تغيير المقفول الى مفتوح بسهولة
  • Save
  • اول مشكلة تقابلك وانت عندك المطبخ المقفول هى لو حد من اصحابك او معارفك او قرايبك عرض عليك الفكرة انك تغير وتعمل مفتوح وانت اقتنعت بالموضوع هتلاقى نفسك محتاج تكسر حيطان وتشيل حاجات كتير جدا وتغير وضعية السباكة ودى تكلفة مش بسيطة هل انت مستعد للكلام ده ؟ لازم تسال نفسك السؤال ده لما تقرر المطبخ مفتوح ولا مقفول وانت عندك المقفول وبتدور على التغيير ، وحاول لو هتعمل كده إنك تاخد القرار من البداية وانت بتعمل تأسيس السباكة عشان ميكونش الموضوع مكلف بالنسبة لك.
  • العيب الثانى هو انه النوع ده بيقلل كمية التهوية والاضاءة الطبيعية اللى داخلة الشقة وده يعتبر عيب فى بعض الاماكن لانها مش مستحملة انها تتقفل او تضيق .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *