تجنب اخطاء الديكور فى كل غرف بيتك

اخطاء الديكور كتير مننا بيقع فيها
  • Save

اخطاء الديكور من أكثر الأشياء اللى بتضيع فرحتك بعمل بيت جديد ، وتضطر وقتها تعيد حساباتك من الأول ، ودى ممكن تحتاج ميزانية ممكن متتوفرش معك ، عشان كده فيه عدة نصائح تخليك تتفادى الأخطاء وتبين بيتك فى أجمل صورة.

هنوضح بعض اخطاء الديكور قبل ما نتكلم فى النصائح:

اخطاء غرفة المعيشة

اختيار لوحة صغيرة من اخطاء الديكور فى غرفة المعيشة
  • Save
Illustratorstock/shutterstock
  • وضع الفرش ملاصق جدا للحيطة يعطيك احساس ان نصف الغرفة فاضي ، وده يضيع ألفة البيت ، ينصح انك ترتب الفرش بعيد شوية عن الحيطة وفى نفس الوقت قريب من بعضه ، وكده هيبقى شكله جميل ، وميكونش متناثر فى كذا ركن.
  • اختيار ترابيزة غرفة المعيشة بحجم كبير تقيد الحركة ، يفضل أن حجم الترابيزة يكون متناسق مع حجم الفرش و يكون فيه بينهم  نسبة وتناسب ، يعني على الأقل يكون حجمها ثلث حجمه ، و متكونش صغيرة وتحس شكلها غريب عن القطع الموجودة ، وتضطر تغيرها.
  • اختيار ألوان قماش كراسى السفرة متباينة يعتبر من اخطاء الديكور ، عشان تتفادى النقطة دى اختار أنماط  متقاربة لألوان وأشكال الكراسي ، وادمجهم مع بعض عشان فى الاخر يعطيك ديكور لائق.
  • وضع لوحة صغيرة فوق كنبة كبيرة ، وده بيحسس الجالس بفراغ كبير مش مناسب ،عشان كده ينصح انك تشيل اللوحة الصغيرة  ، وتحط مكانها لوحة كبيرة تملا الفراغ ده ، وحجمها على الأقل يكون ثلاثة أرباع حجم الكنبة ، والأهم ارتفاع اللوحة يكون فى مستوى النظر ، يعنى فى حدود 120 – 140 سم ، وفى نفس الوقت يكون الإرتفاع  بين الكنبة واللوحة حوالى 10 سم.

اخطاء الديكور فى بيتك

 

اخطاء فى الفرش والاكسسوارات

من اخطاء الديكور فرش سجادة صغيرة على المكان
  • Save
New Africa/stock.adobe
  • من اخطاء الديكور اختيار سجادة أكبر أو أصغر من المساحة المتاحة ، والأرضية اللى تحت الكنب فاضية بدون سجاد ، كل اللى هتعمله أنك تختار سجادة مساحتها تكفى لوضع كل الفرش سواء كان انتريه ، أو سفرة بحيث على الأقل تكون الأرجل الأمامية للكنب او الكراسى عليها ، مش بعيدة عنها بمسافة ، وبكده يكون الفرش كله فى مكان واحد مش متباعد.
  • حجم الستائر غير المناسب من اخطاء الديكور اللى بنشوفها ، فاما بتكون صغيرة على مقاس الشباك ، أو قصيرة أوى ، أو تكون منخفضة بشكل ملفت ، اختار ستائر كبيرة الحجم حتى لو كان الشباك صغير ، و يفضل أنها تتعدى حلق الشباك لفوق وتتجه لتغطية السقف او تكون داخل بيت الستارة وده بيتصنع فى الاسقف المستعارة عشان يخفى المواسير.

اخطاء عامة فى الديكور

 

  • عدم التنوع فى الألوان ، هيخلى شكل المكان باهت ، و بدون روح ، لازم تضيف ألوان مبهجة ومنوعة ، فى تلوين الحوائط كلها عشان تعطى البيت دفىء و تتجنب اخطاء الديكور.
  • بما أن كل يوم فيه موضة ، أكيد بنحتار فى اختيارنا ما بين سيراميك ولا با
  • ركيه ، سجاد كلاسيك ولا مودرن ، والمطبخ الومنيوم ولا خشب ، و اختيار المقابض معدن ولا استانلس وده اللى بيخلى الأخطاء تزيد ، عشان كده اختار طابع مميز واحد لبيتك ، ويكون مريح و عملى لك وشكله جميل بردو مش مسألة انك تغير عشان تبقى متابع الموضة وخلاص.
  • عدم التنويع فى الإضاءة ، فى بعض الاحيان تلاقي الأباجورات إضاءتها زي اللمبات وبكده يبقى المكان شكله رسمى كأنه مكتب ، لكن حاول تغير فى اختيار نمط الإضاءة عشان يعطيك شكل حلو ، وركز أنك تضيف مصادر اضاءة غير اللى فى السقف ، يعنى وزع الإضاءة مابين الحيطة ، والأباجورات ، والاضاءة المخفية ، ووجه نورهم لاتجاهات مختلفة ، عشان تبرز جمال الديكور.

 

اخطاء غرفة النوم

كثرة المخدات على السرير يخليه مش مريح
  • Save
titipong8176734/stock.adobe
  • من اخطاء الديكور المنتشرة جدا المبالغة فى عدد المخدات بحيث تزحم السرير ، ده هيخلى النوم مش مريح نهائى والشكل سيء ومش منسجم ، لازم تحدد عدد المخدات اللى يليق بحجم السرير ، وترتبهم بطريقة متناسقة تزيد من جمال غرفة نومك.
  • تركيب إضاءة عالية جدا فى غرفة النوم ، الحل هو أنك تدمج إضاءة خافتة مع إضاءة عالية ، عشان تكون الغرفة مريحة نفسيا ، ومش متعبة.

اخطاء الديكور فى الحمام

تنظيم مسلتزمات الحمام فى علب تخزين
  • Save
slavun/stock.adobe
  • وضع ورق الجدران فى الحمام مش مناسب ، لأن الرطوبة والمياه هتدمره ، لكن لو كنت من محبيه ، يبقى لازم تتأكد من تعرضه للتهوية يوميا والاهم من كده انك تعمل كابينة شاور مقفولة بحيث ميتعرضش للمياه نهائى.
  • من اخطاء الديكور في الحمام  عدم وجود خزائن لوضع الفوط والشامبوهات والصابون ، لذلك من المهم أنك ترتب الحمام وتختار مساحة تركب فيها وحدة تخزين تخلى حمامك مرتب وتحفظ مواد التنظيف بعيد عن متناول الأطفال .

أخطاء الديكور فى المطبخ

المطبخ المرتفع من اخطاء الديكور
  • Save
PeopleImages/istockphoto
  • وضع الثلاجة فى أبعد مكان عن باب المطبخ ، دى من النقط اللى تخليك متضايق ، لأن ساعتها هتضطر أنك تمشى كل المطبخ رايح جاى عشان تاخد حاجة من الثلاجة ، وبما أن الديكور مش مجرد شكل حلو للمكان ، لكن لازم يكون فيه راحة للإنسان.
  • لو كان سقف المطبخ منخفض مينفعش نركب علب تخزين ارتفاعها عالى ، ده هيخلى المنظر سيء جدا ، اعرف مقاس الحيطة بالظبط ، وخلى السقف فى اعتبارك وعلى أساس ارتفاعه ، نركب علب التخزين فى المكان المناسب.
  • المبالغة فى عدد علب التخزين ، وبالتالى المساحة المُتاحة تصغر والحركة مش هتكون سهلة ، خلى عدد علب التخزين معقول ومتناسب مع مساحة المطبخ ، بحيث تغطى كل أغراضه ومتعملش زحمة بدون داعى.
  • وضع أجهزة كهربائية صغيرة الحجم فى مطبخ كبير ، وده هيخليك تحس بفراغات كتير ، وبردو وضع أجهزة كهربائية كبيرة  فى مطبخ صغير ، ميتحملش إننا ناخد من مساحته ، أفضل حاجة إنك ترفع المقاسات بالتحديد ، عشان تختار أجهزة تناسب مساحة مطبخك أيا كان.

بعض النصائح لتجنب اخطاء الديكور

 

نصائح بخصوص الالوان

لتجنب اخطار الديكور ادهن الحوائط بلون محايد
  • Save

نصائح فى الفرش والاكسسوار

تغيير كسوة الفرش دايما تجدد ديكور بيتك
  • Save
fotostorm/gettyimages
  • من النقط اللى غايبة عن ناس كتير ان مش الألوان لوحدها هى اللى بتحدد لك ستايل المكان ، لا فيه كمان حجم الأثاث واللوحات بتأثر تأثير كبير جدا على الموضوع ده ، عشان كده بننصح باستخدام اكسسوارات من المعدن فى غرفة المعيشة المودرن ، عشان تعطى حداثة للمكان زى بعض الاكسسوارات الاستانلس او الفضة.
  • نقطة مهمة فى ديكور بيتك بعض الناس تستهين بها ، وهى تغيير أغطية الكنب وأغطية المخدات الصغيرة حسب فصول السنة ، الموضوع ده اتعمل عليه دراسات نفسية كتير ، والخبراء نصحوا بأنه فى الشتاء خليها بألوان دافئة زى الاحمر والبرتقالى والاصفر عشان تعطيك إحساس بالدفء ، ولما يجى موسم الصيف خلى الوانه باردة زى الازرق والاخضر.
  • اذا كان فيه لوحة لونها  مش مناسب للغرفة ، ممكن تغير لون الإطار ، أو اذا كانت اللوحة كلاسيكية وسط ديكور مودرن ، ممكن تغير in line (اللون الداخلى) وتخليه مودرن ، او تغير شكل الإطار نفسه ، وده هيغير من شكل اللوحة.

نصائح عامة

خبرة مهندس الديكور هتساعدك وانت بتجهز بيتك
  • Save
Hero Images/stock.adobe
  • لو كانت الميزانية قليلة فكل اللى عليك أنك تركز على مناطق معينة فى بيتك ، تغير من شكله ، يعنى ماتوزعش الميزانية على كل الأماكن ، وفي نهاية الأمر تحس ان مفيش تغيير حصل ، لكن اختار مكان ظاهر واعمل فيه التغيير ، أو ضيف فرش يجمل لك غرفة المعيشة ، أو مكتبة شكلها شيك تكسر من رتابة الغرفة.
  • مهم أنك تستعين بمصمم داخلى ، عشان يظبط لك ديكور بيتك ، ويخليه مناسب لاحتياجاتك ومتطلباتك ، لأن مهمة المصمم انها تختصر عليك مشوار طويل من التعب والأخطاء اللى ممكن تقع فيها ، و كمان يقلل الوقت اللازم لتنفيذ ديكورات البيت وبكده تنجز بيتك فى أسرع وقت ممكن.

مصادر الصور

الغلاف peterschreiber.media/stock.adobe

مواضيع ذات صلة

Leave a Comment